【出走郊外🏃🏻尋找身心靈合一的創作靈感！】
「笑着遊歷冒險吧🤸🏻♂️飛出太空都不怕🪐」 —— 《愛情漫曼谷》
喺今個復活節假期，#音樂劇發現號🚀 嘅一眾領隊同航員去咗保良局賽馬會北潭涌渡假營進行兩日一夜嘅「音樂劇寫作退修營🧘🏻♂️」。除咗進行一系列嘅營內活動，如團體遊戲及BBQ環節外，我哋仲一齊走出渡假營，感受下大自然嘅能量，於既寧靜又充滿生命力嘅環境放鬆身心，淨化心靈，觀照自己嘅生活與自然環境嘅關係🧘🏻
喺晚上嘅營燈會中，不論導師或學員都圍坐喺營燈旁，遠離日常繁忙嘅生活，一齊唱歌跳舞，感受團隊帶來嘅溫暖同歡樂，分享自己嘅故事同感受。溫馨嘅氛圍下，團員之間真誠嘅交流同互動，無形中為整個團隊建立凝聚力以及更緊密嘅關係🤍 （小編當晚都有啲感動，覺得呢啲moment好珍貴🥹）
喺第二朝嘅分享會，學員們為第一日喺大自然嘅經歷創作咗一啲小片段，佢哋亦分享原來大自然嘅景色、聲音、氣味、空氣嘅濕度，甚至係小動物嘅行為，都可以成為創作嘅靈感來源。大自然無窮嘅變幻，每一刻都帶來新嘅啓發，激發我哋嘅創造力同想像力🌿 而每一位學員嘅作品都讓大家睇到佢哋各自嘅獨特性，以及佢哋透過呢段經歷對自己嘅發現同觀察🤍 呢啲正正就係發現號🚀希望學員透過退修營所體會到嘅大自然與創作，以至生命嘅關係同美麗🌈
感恩呢個難忘嘅經歷，讓我哋更加堅定大自然同 藝術喺生活中的重要性。嚟緊發現號🚀將進入結業演出創作階段，亦安排咗更多工作坊俾學員參與，期待發現號🚀下半年度之旅！🩵💛🤍
想知更多音樂劇發現號🚀嘅資訊，記住留意演戲家族嘅社交媒體喇！
